ଓଲୁଅ ପିଠା ଓଡ଼ିଶାର ଗ୍ରାମାଞ୍ଚଳରେ ପ୍ରାୟ ଲୋକ ଖାଇଥିଵେ । ସୋରିଷ ହଳଦୀ ଲଙ୍କା ଲୁଣ ଆଦି ବାଟି ମସଲା କରି ସେହି ମସଲାକୁ ଓଲୁଅ ସିଝାଇ ତହିଁରେ ମିଶାଇ ଏହି ପିଠା ପ୍ରସ୍ତୁତ କରାଯାଏ ।
ଆମ ଓଲୁଅ ଶବ୍ଦ ଟି ବୈଦିକ “ଓଲ୍ବ” ଶବ୍ଦରୁ ଆସିଅଛି ।
ବଙ୍ଗଳାରେ ପ୍ରଚଳିତ “ଓଲ” ଶବ୍ଦ ଓଡିଶାର କେତେକ ଅଞ୍ଚଳର କଥିତ ଶୈଳୀରେ ମଧ୍ୟ ପ୍ରଚଳିତ । ଓଲ ଶବ୍ଦଟି ଓଲ୍ଲ ଓ ଓଲ୍ଵ ଭାଵେ ବୈଦିକ କାଳରୁ ଚଳୁଅଛି ।
ଓଲୁଅର ଅନ୍ଯ ଏକ ସଂସ୍କୃତ ପ୍ରତିଶବ୍ଦ ଶୂରଣ
ହିନ୍ଦୀରେ ସାମାନ୍ଯ ପରିବର୍ତ୍ତନ ସହ ସୂରନ୍ ଭାବେ ପ୍ରଚଳିତ ।
ହିନ୍ଦୀଭାଷୀ ଆଜିକାଲି ଏହାକୁ ଜୀମିକନ୍ଦ ମଧ୍ଯ କହୁଛନ୍ତି ।
ଯଦା ସମ୍ଭଵ ଓଲୁଅର ସଂସ୍କୃତ ପ୍ରତିଶବ୍ଦ କନ୍ଦକରେ ଜୀମି ଶବ୍ଦ ଯୋଡ଼ା ଯାଇ ଏ ଶବ୍ଦକୁ ସୃଷ୍ଟି କରାଯାଇଛି ।
ଓଲୁଅ ଏକ କଚୁବର୍ଗର ଖାଦ୍ୟକନ୍ଦ ବିଶିଷ୍ଟ ଗୁଳ୍ମ । ବଣ ଓଲୁଅ କୁ ଖାଇଲେ ତଣ୍ଟି ଗଲୁ କରେ ତେଣୁ ଲୋକେ ଆଗେ ଉଷୁଁଆ ଧାନରେ ପୋତି ,କାଞ୍ଜିପାଣିରେ ସିଞ୍ଜାଇ ତା ଗଲୁ ମାରୁଥିଲେ ।
ଆଜିକାଲି ବାଡି ପଛପଟରେ ବିନା ରକ୍ଷଣାବେକ୍ଷଣ ରେ ମଧ୍ଯ ବର୍ଷାଦିନେ ଏ ଗଛ ଉଠୁଥିବା ଦେଖାଯାଏ । ମହରଗିଆ ଯୁଗକୁ ଦେଖି
ଲୋକ ଓଲୁଅ ଚାଷ ମଧ୍ଯ କଲେଣି ।ଏହାର ଵୈଜ୍ଞାନିକ ନାମ
Amorphophallus paeoniifolius
ସାଧାରଣ ଇଂରାଜୀରେ
ହାତିପାଦ ଆଳୁ the elephant foot yam ,
ଧଳାଦାଗିଆ ରାକ୍ଷସ ସାରୁ whitespot giant arum, ଗନ୍ଧୁରା କଇଁ
stink lily, ଆଦି ଗୋରା ସାହେବ ମାନେ ନାମ ଦେଇଛନ୍ତି ।
ଗୋଟାଏ ବି ନାମରେ ବାଗବରଗ ନାହିଁ
ହଉ ଵା ମାଙ୍କଡମାନେ କାହୁଁ ଜାଣିଵେ ଅଦାର ସ୍ବାଦ 😂😂😂😂 ।
ଓଲୁଅଟି ଏକ ଗ୍ରୀଷ୍ମପ୍ରଧାନ ଅଞ୍ଚଳରେ ଜନ୍ମୁ ଥିବା ଗୁଳ୍ମ ତେଣୁ
ଆଫ୍ରିକା, ଦକ୍ଷିଣ ଏସିଆ, ଦକ୍ଷିଣ ପୂର୍ବ ଏସିଆ ତଥା ଗ୍ରୀଷ୍ମପ୍ରଧାନ ପ୍ରଶାନ୍ତ ସାଗରୀୟ ଦ୍ବୀପ ଗୁଡିକରେ ଦେଖାଯାଇଥାଏ ।
ଚାରିଆଡେ ହେଉଥିଲେ ହେଁ ଏହାର ଜନ୍ମସ୍ଥଳୀ ଦକ୍ଷିଣ ପୂର୍ବ ଏସିଆରେ ଏକଥା ଅଧିକାଂଶ ଗବେଷକ ମତ ଦିଅନ୍ତି ।
ଓଲୁଅଟା ଗୋଟାଏ ଔଷଧୀୟ ଗଛ ବୋଲି ଆମ ଆର୍ୟୁଵେଦ ତଥା ଅନ୍ଯ ପ୍ରାଚୀନ ଵୈଦଗ୍ରନ୍ଥରେ ଲେଖା ଅଛି ।
ବାବାସିର ରୋଗୀଙ୍କ ପାଇଁ ଫଳଟି ଅମୃତ ତୁଲ୍ୟ କିନ୍ତୁ ସୁଗାର ଡାଇବେଟିସ୍ ରୋଗୀଙ୍କୁ
ଏ ମାଟି ଜାତୀୟ ଫଳ ହୋଇଥିଵାରୁ ଡ଼ାକ୍ତର ଖାଇବାକୁ ବାରଣ କରିଥାଅନ୍ତି ।
