ଆଜିକାଲି ସାଧାରଣତଃ ଇଂରାଜୀ ଦୁଇ ମାଇଲ୍ରେ ଏକ କୋଶ ବୋଲି ଧରାଯାଏ। ଇଂରାଜି ଦୁଇ ମାଇଲ୍= ୧୭୬୦ ଗଜx୨x୨=୭୦୪୦ ହାତ। ତେଣୁ ଏକକୋଶକୁ ପ୍ରାୟ ଦୁଇ ମାଇଲ୍ କହିଵା ସଙ୍ଗତ। ଆଗେ ଏ ଦେଶରେ ରାଜଦାଣ୍ଡ ପାର୍ଶ୍ୱରେ ଦୂରତ୍ୱଜ୍ଞାପକ କୈଣସି ଚିହ୍ନ ନ ଥିଲା, ପଥିକମାନେ ଗୋଟିଏ ଗଛର ଡାଳ ଭଙ୍ଗି ହାତରେ ଧରି ବାଟ ଚାଲୁଥିଲେ, ଯେଉଁଠାରେ ସେ ଡାଳର ପତ୍ର ଝାଉଁଳି ପଡ଼ୁଥିଲା, ସେଠାରେ ଏକ କୋଶ ହେଲା ବୋଲି ଜଣା ଯାଉଥିଲା, ଏହିଭଳି କୋଶକୁ 'ଡାଳଭଙ୍ଗା' କୋଶ କହନ୍ତି। ଡାଳଭଙ୍ଗା କୋଶକ ପ୍ରାୟ ଇଂରାଜି ତିନି ମାଇଲ୍ ।
ତେଣୁ ଏକ କୋଶ ଯଦି ଚାରିସହସ୍ର ହାତ ଵା ଏକସହସ୍ର ଧନୁ ହୁଏ ତେବେ ତାହାର କିଲୋମିଟରରେ ପରିମାଣ ୧.୬୦୯ ଵା ତାଠାରୁ କେତେ ମିଟର ଅଧିକ ହେଵ ।
ଏକ କୋଶ ଯଦି ୮୦୦୦ ହାତ ହୁଏ ତେବେ ତାହା କିଲୋମିଟର ପରିମାପ ଦୃଷ୍ଟିରୁ ୩.୨୧୯ କିମ୍ଵା ସାଢ଼େ ତିନି କିଲୋମିଟର ହେଵ । ଡାଳଭଙ୍ଗା କୋଶ କ୍ଷେତ୍ରରେ ଯେହେତୁ ତିନି ମାଇଲରେ ଗୋଟିଏ ଡାଳ ଝାଉଁଳି ଯାଏ ତେଣୁ ତାହା ପ୍ରାୟ ୪.୮୨୮ ଵା ପାଞ୍ଚ କିଲୋମିଟର ପରିମାପ ଵିଶିଷ୍ଟ ହେଵ ।
••••••••••••••••••••••
ତଥ୍ୟ— ଓଡ଼ିଆ ପୂର୍ଣ୍ଣଚନ୍ଦ୍ର ଭାଷାକୋଷ ଓ ସଂସ୍କୃତ କଳ୍ପଦ୍ରୁମ ଅଭିଧାନ
No comments:
Post a Comment