ଆମର ସମଗ୍ର ଓଡ଼ିଆ ଭାଷା ଵା ଶାସ୍ତ୍ରୀୟ ଓଡ଼ିଆ ଭାଷାରେ ‛ହେଁ’ ଏକ ଅଵ୍ଯୟ ଓ ସର୍ଵନାମ ଶବ୍ଦ ଭାଵେ ଵ୍ଯଵହାର ହୋଇଥାଏ ।
■■■■■■■■■■■■■■■■■■■■■■
ହେଁ' ର ଅଵ୍ଯୟ ଅର୍ଥ →
■■■■■■■■■■■■■■■■■■■■■■
୧). ତଥାପି, ହେଲେ,ସୁଦ୍ଧା, ମଧ୍ୟ, ଅବା, ଭଲା ଇତ୍ୟାଦି ଅର୍ଥରେ ହେଁ ଶବ୍ଦଟି ପ୍ରୟୋଗ ହୁଏ ।
ଉ―
●―"ଜଣେ ଉଚ୍ଚପଦସ୍ଥ ଅଧିକାରୀ ହେଲେ ହେଁ ରାମବାବୁଙ୍କ ଜୀବନଯାପନ ସାଧାରଣ !"
●―“ସେ ଜଣେ ଦରିଦ୍ର ହେଲେହେଁ ଭଗାଵାନଙ୍କ କୃପା ଦୃଷ୍ଟି ତା ଉପରେ ସବୁଵେଳେ ରହିଛି”
୨). ଉପହାସ, ଅସୂୟା ଵା ଅଵଜ୍ଞା ସୂଚକ ଶବ୍ଦ
●—“ହେଁ ! ସେମିତି ହୁଏ ନା ?”
●—“ହେଁ ! ସେସବୁ ବାଜେ କଥା ରଖ ହୋ,ମଞ୍ଜ କଥାଟା କହୁନା !”
୩). ଯାକ, ଜଣ ,ସମସ୍ତେ,ସର୍ଵ,ମାନେ,ପ୍ରତ୍ୟେକ
●—ଦୁଇ,ତିନି,ଚାରି ଇତ୍ୟାଦି ସଂଖ୍ୟାଵାଚକ ଶବ୍ଦ ସହ ଯୁକ୍ତ ହୋଇ ହେଁ ଅଵ୍ଯୟ ଵ୍ୟଵହାର ହୋଇଥାଏ ।
●—“ସେ ଦିହେଁ ଆମକୁ ଭୁଆଁ ବୁଲେଇ ପଳେଇଲେ ହୋ”
●—ତାଙ୍କେ ଦୁହେଁ ନକହି ଚାଲିଗଲେ ଵା !
୪).ହାଁ,ଆଁ,ଆଁଇ ଆଦି ଵିସ୍ମୟାଦିବୋଧକ ଅଵ୍ଯୟର ଏକ ରୂପ
●―“ହେଁ ! ମର ମୁଟେ ବିଶାସ ହେଉନି ମ ! ସତିଆ କ'ଣ ସତରେ ସତୀକି ଧରି ପଳେଇଲା ?”
୫).ଉଚ୍ଚହାସ୍ଯ କରିବା ଶବ୍ଦ
ହେଁ ହେଁ ଖେଁ ଖେଁ ଇତ୍ୟାଦି ଧ୍ଵନ୍ଯାନୁକରଣ ଅଵ୍ଯୟ ଵିଶେଷ ।
●— “ହେଁ ହେଁ ! ମୁଁ କ'ଣ ମୂଷା ଯେ ଏଡିକି ଗାତରେ ଗଳିଯିଵି ?“
୬)ଘୋଡ଼ାଙ୍କର ହ୍ରେଷାରବ ଇଂରାଜୀରେ ଘୋଡ଼ାର ରାବକୁ ଦର୍ଶାଇଵା ହେତୁ ପାଇଁ ତିନୋଟି ଶବ୍ଦ ରହିଛି
✓neigh
✓whinny
✓nicker
ସେଇଭଳି ଆମଭାଷାରେ ହ୍ରେଷାରବର ପ୍ରତିଶବ୍ଦ ଭାଵେ ଅନେକ ଶବ୍ଦ ଚଳେ
ଯଥା―
ହେଷ୍ରା, ଅଶ୍ଵହାସ,ଅଶ୍ଵହସ,ଖିରିସାଣି, ଖିନଖିନାଵା ଇତ୍ୟାଦି
୭) ସମ୍ବୋଧନଵାଚକ ଅଵ୍ଯୟ ‘ହେ’ ଆମରାଜ୍ଯର କେତେକ ଅଞ୍ଚଳରେ ହେଁ ଭାଵେ ଵ୍ଯଵହୃତ ହୋଇଥାଏ ।
ଯଥା
>ମାମୁଁ ହେଁ !
>ମାଇଁ ହେଁ !
■■■■■■■■■■■■■■■■■■■■■ ହେଁ ର ସର୍ଵନାମ ଅର୍ଥ
■■■■■■■■■■■■■■■■■■■■■
୧).ଏହା; ଏ(ଏହି ‛ହେଁ’ ସହ ସମଦ୍ଧୃତ ―ଏହା ଓ ଇଦଂ)
●―ହେଁଟା ବେଗି ଦେଲୁଁ
୨).ତାହା; ସେ
●―ହେଁ ଲୁକକେ ମୁଇଁ ନାଇଁ ଜାନି !
ସ ଵର୍ଣ୍ଣ ମଧ୍ଯକଳିଙ୍ଗାଞ୍ଚଳରେ
ଅର୍ଥାତ୍ ନୟାଗଡ଼, କଟକ,ଢେଙ୍କାନାଳ,ଦେଓଗଡ଼, ସମ୍ବଲପୁର, ଯଶପୁର ଓ ମହାସମୁନ୍ଦ ଇତ୍ୟାଦି ଅଞ୍ଚଳରେ ‛ହ’ ରେ ପରିଵୃତ୍ତ ହୋଇଥାଏ । ଉଦାହରଣ ସ୍ୱରୂପ ଢେଙ୍କାନାଳରେ ସେଇଟା=ହେଟା,ସେମିତି=ହେଁତି,ହିମିତି ଆଦି ହୁଏ ।
ସେଇଭଳି ଏଠାରେ ସେ ସର୍ଵନାମ ହେଁ ରେ ରୂପାନ୍ତରିତ ହୋଇଛି । ସେ ,ହେଁ ଏ ଉଭୟ ସଂସ୍କୃତ ତସ୍ଯ ଶବ୍ଦ ସହିତ ସମଦ୍ଧୃତ ।
୩).ଏହି ବ୍ଯକ୍ତି(ଏ,ୟେ ସହିତ ସମଦ୍ଧୃତ)
●―ହେଁ ବାବୁ ଆମ ଘରେ ରଅନ୍ତି
ଏତଦ୍ବ୍ୟତୀତ ଓଡ଼ିଆ ଭାଷା ସାଗରରେ ‛ହେଁ’ର ଆଉ କୌଣସି ଭିନ୍ନ ଅର୍ଥରେ ପ୍ରୟୋଗ ହେଉଥିଲେ ନିଶ୍ଚୟ ଜଣାନ୍ତୁ !
No comments:
Post a Comment