୧)ଓଡ଼ିଆ ଭାଷାରେ ପ୍ରତ୍ୟେକ ଶବ୍ଦ ଅକାରାନ୍ତ ହୋଇଥିଲାଵେଳେ ବଙ୍ଗାଳି ଭାଷାରେ କେତେକ ଶବ୍ଦକୁ ଛଡି଼ଦେଲେ ପ୍ରାୟ ଶବ୍ଦ ଓକାରାନ୍ତ ହୋଇଥାଏ ।
ଉଦାହରଣ ସ୍ଵରୂପ
― ଭଲ = ଭଲୋ
୨)ଓଡ଼ିଆ ଭାଷାରେ ପ୍ରରମ୍ଭିକ ଏ ଓ ଇ ଧ୍ଵନିଯୁକ୍ତ ଶବ୍ଦ
ବଙ୍ଗାଳି ଭାଷାରେ ୟେ,ୟେୟ ହୋଇଥାଏ
ଉଦାହରଣ ସ୍ଵରୂପ―
ଏକ=ୟାକ୍,ଦେଖ=ଦ୍ଯାଖ୍
୩)ଋ ଵର୍ଣ୍ଣ ଓଡ଼ିଆ ଭାଷାର ଅଧିକାଂଶ ଶବ୍ଦରେ ଅପରିଵର୍ତ୍ତିତ ରହେ କିନ୍ତୁ ବଙ୍ଗାଳି ଭାଷାରେ ତାହା ରି ରେ ପରିଣତ ହୋଇଥାଏ
ଯଥା―ଋଷି = ରିଷି
(ଓଡ଼ିଆ ଭାଷାରେ ମଧ୍ୟ ଘୃତ ଶବ୍ଦ ଏଇ ଆଧାରରେ ଘିଅ ହୋଇଥିଵା କେତେକ ଭାଷାଵିଦ୍ ମତ ଦିଅନ୍ତି)
୪)ଓଡ଼ିଆ ଭାଷାରେ ଦନ୍ତ୍ଯ ସ ଯୁକ୍ତ ଉଚ୍ଚାରଣ ବଙ୍ଗାଳିରେ ଶ ହୋଇ ଉଚ୍ଚାରିତ ହୋଇଥାଏ ।
୫)ଓଡ଼ିଆ ଭାଷାରେ ‛ଣ’ ଓ ‛ଳ’ ତଥା ‛ନ’ ଓ ‛ଲ’ ଭିନ୍ନ ଭିନ୍ନ କ୍ଷେତ୍ରରେ ପ୍ରଚଳିତ ଥିଵାଵେଳେ ବଙ୍ଗାଳି ଭାଷାରେ ଣ,ଳ, ଇତ୍ୟାଦି ଲେଖାଯାଉଥିଲେ ହେଁ
ନ,ଲ, ପଢା଼ଯାଏ ।
୬)ଓଡ଼ିଆ ଭାଷାରେ ଢ ଧ୍ବନି ବଙ୍ଗାଳିରେ କେତେକ କ୍ଷେତ୍ରରେ ଡ଼ ହୁଏ ।
୭)ଓଡ଼ିଆ ଭାଷାରେ ଶବ୍ଦାନ୍ତ ଭଳି ପଦାନ୍ତ ମଧ୍ୟ ଅକାରାନ୍ତ ହୋଇଥାଏ କିନ୍ତୁ ବଙ୍ଗାଳି ଭାଷାରେ ତାହା ହଳନ୍ତଵତ୍ ହେଵା ଦୃଷ୍ଟିଗୋଚର ହୁଏ ।
୮)ଓଡ଼ିଆ ଭାଷାରେ ଯୁକ୍ତଵର୍ଣ୍ଣର ମକାର ସଂସ୍କୃତ ପରି ଅପରିଵର୍ତ୍ତିତ ରହୁଥିଵାଵେଳେ ବଙ୍ଗାଳି ଭାଷାରେ ପ୍ରଥମଵର୍ଣ୍ଣ ଦ୍ଵିତ ହୋଇ ମକାର ଉଚ୍ଚାରଣ ଲୁପ୍ତ ହୁଏ
ଯଥା― ପଦ୍ମ=ପଦ୍'ଦ,ଋକ୍ମଣୀ = ରିକ୍'କନୀ
No comments:
Post a Comment